كل عام وأنت بخير ~

جمرنـي ابدفـى مـن التجميـر

وبفـرح ولـو النـفـس نـقـاده

ياشهر تسعه جعـل مابـك ظيـر

بـك يـوم ميـعـادي بميـعـاده

جبه وجبني صـب ذايـب ميـر

معـاه خاتـم شــوق وقــلاده

ووجه رسايـل دعـوة وتحذيـر

لشياءنـا الـي غـيـر معـتـاده

لأحلامنا الواجد..عـن التحريـر

وقصـة سجيـن يحـب جـلاده

ووسائـل التشـويـق والتأثـيـر

والشعـر بوصـولـه وبأبـعـاده

والغيم..وزخات المطـر والطيـر

وبخـار فـم الـبـرد وقـنـاده

وسيُـد جنيد...وسيـدة كارتـيـر

وبكـلات ليـلٍ يشقـر اسـواده

والقبعه ... والمعطـف الحريـر

والنادلـه ...والقهـوة الـسـاده

والمرحبـاه الـي لهـا تخـديـر

وقلم .. ودفتر سلـك .. ووسـاده

والنمل .. والنسناس .. والنويـر

وابوعلـي واجــداد اجــداده

وابوعمر ... والسايـس الفقيـر

وجناينـي الشتـلات ابـوغـاده

والصبر ... والفراش ... والتقدير

وبنـات كــل الـحـي وأولاده

في شارعـه يتجمعـون عصيـر

للتهنئـه فــي عـيـد مـيـلاده

ولا خلص التصفيـق والتصفيـر

من كـل مجموعـة طلـع قـاده

وقالـوا رجـاءٍ مانبـي تأخـيـر

ردو ورانـا بــذوق وإجــاده

مع بعض ...كل عام وانت بخيـر

ياغـلا البشـر ياسيـد الـسـاده

تكفى وسامحنـا علـى التقصيـر

والله يـزود بعـمـرك اعـيـاده

وانا اللـي احبـك محبـه غيـر

مـن قلبـي وفــودة افــواده

كل عام وانت بخير وانـا بخيـر

وكل عـام وانـا احبـك بزيـاده

وكل عـام وانـا اكافـح التغييـر

وكل عام ولا انتب علـى العـاده

وكل عام وانـا امـوت التفكيـر

واحـبــك بـإصــرار واراده

وكل عام ودموعي عليـك تحيـر

وهـذي السنـة بالـذات هـداده

وكل عام تكبر بـه تـرد صغيـر

كأنـك تسـوي لوجهـك اعـاده

ياكبدي الـي معـك كبـد بعيـر

مــرددن غـاربـه لـشــداده

وياحـب قلبـي لقلبـك الشريـر

الابيـض الـي عنـاده عـنـاده

سياسـة التوطـيـن والتهجـيـر

ماخـلـت الفقـيـر فـبــلاده

والله وكبرنـا والامـانـي بـيـر

مـصـداره يشـابـه المـيـراده

"سبعة وعشرينك" عساها تصيـر

ميه علـى عـز وعلـى عبـاده

ياحبـي الاول ويــا الاخـيـر

اللـي قديـمـه ورث اجــداده

كل عام وانت بخير وانـا بخيـر

واشيـب وانـا احبـك زيــاده

للأستماع

http://www.youtube.com/watch?v=t9d1TFXW4Nk

فرقاك عندي عيد والعيد فله ||~

دامك تعرف إنك بعد صدك تعود
وش جابرك تمشي طريق المذله

ترى الكرامه يارفيقي لها حدود
ودرب الثقل ياخوك منته تدله

صعبه تعوض نقصك بشي مفقود
من شان تاصل شي غيرك وصله

ترى التطبع بعض الاحيان منقود
لو عشت جو الدور تفضحك زله

باقولها من دون تلميح وقيود
وكلن مع التوضيح يعرف محله

ترى التغلي يعتبر عندي جحود
ومن شاف نفسه عفت بعضه وكله

من غاب ليله صار ماهو بموجود
اقدر بدال الشخص آجيب شله

ياما نصحتك والبشر كلها شهود
درب الثقل بالله ياخوك خله

ترى العمر وان طال ياخوك معدود
وإنت بعنادك زايد الطين بله

إلا تبيني اربط القلب بقيود
واصير شخصن يتبعك مثل ظله

بدري عليك انهد وآصير مهدود
وبدري على شرواك قلبي يذله

شوف النهايه صرت تبكي ومكيود
وصرت اتمنى شوفتي لو بطله

هذي علومك ماورها ولا فود
ومن هالرجاوي صابت القلب عله

لتذل نفسك والامل صار مفقود
جرحت خدك يوم دمعك تهله

ولتقول بفرش دربك ازهار وورود
فرقاك عندي عيد والعيد فله

قف وناظر دمعتي يوم ادرجت..

قف وناظر دمعتي يوم ادرجت...
يوم شفتك ناوي ترحل بعيد

يوم كلمتك وصديت اخرجت...
اذهلتني دمعة الحزن الأكيد

كلمتين كنت بقول امرجت...
دمعتين سكرن حبل الوريد

ولا عليها لوم بالشوق ادمجت...
ماتريدونه على ماكنت اريد

ولو تقول اعداك نفسك مانجت...
كل عام شوقي على شوقه يزيد

الحباب عن دواخلها رجت...
ترجمان احساسها صار النشيد

عن خفايا في دواخلها لجت...
وكونت بين الثنين اكبر رصيد

ولالي غير الله بالشده رجت...
يجمع اللآمى ويمحى كل كيد

غيبتك لو هـي دقيقـه تعتبـر صـدّه

غيبتك لو هـي دقيقـه تعتبـر صـدّه
الوقت دونك سجـن وغيابـك اسياجـه

لا تعتذر لي تـرى ماعـاد فـي شـدّه
اعيد حكي ٍ يكـود الصـدر مخراجـه

دامـه يوصـف بجـود ابيـك وبجـدّه
وشلون تبخل على المجروح بعلاجـه

ووشلـون قـاوااك قلبـك رده وصـدّه
مع انه بيّن عليـه الضعـف والحاجـه

ياقـو قلـبـك بــرد ايميـنـك وردّه
بخلت بمصافحـه وارهيـت بحراجـه

لو ماسقى غيم عينـه جرهـدي خـدّه
تـراه يبكـي وقلبـه يلحـق اخلاجـه

ولو شفته يمازحـك تـراه مـن جـدّه
الضحك عن درب ضيق الصدر ماعاجه

غير الغلا والولـه عليـك وش حـدّه
يـادرب ليلـه ويامسـراه وسـراجـه

كنّه يعرفـك قبـل يلقـاك مـن مـدّه
مـع ان مابينـك ومـا بينـه امواجـه

هـواك بـدو ٍ نـووا للقلـب بالشـدّه
ورياض قلبي لشـوف البـدو محتاجـه

والوصل..بحر ٍ متى انت بتسمح ابمـدّه
السيف صبري وبحرك شـح بامواجـه

قصيـدي اللـي قريتـه واللـي اعـدّه
قديـم لا يزعلـك معنـاه واخـراجـه

وفراغ قلبي غلاك ارهـى علـى سـدّه
ليتك تشوف الغـلا وابراجـه وعاجـه

اقوى ريـاح العـذل مـا تقـدر تهـدّه
والا الجفا لـو تنفـس هـدم ابراجـه

تغانـم الوصـل لـن البعـد لابــدّه
ياتيك في يـوم ثـم ياخـذك بادراجـه

اللي لـي انـك تليـن وتتـرك الشـدّه
واللي لك اني ما سولف بـك لهراجـه

ولاني بزعلان واللـي نرتجـي مـدّه
يا بـاب قلبـي ويـا قفلـه ومزلاجـه

زعلة تغلي ومـن تزعلـه مـن قـدّه
ما دام كـل ٍ يبـي دربـك ومنهاجـه

غالي وتبخـل علـي وتطّـول الصـدّه
الله يسامـح غـلاك ويلعـن الحاجـه








للأستماع
http://www.youtube.com/watch?v=B4zI4670LqM&feature=related

لي متى ببقى تحت رحمة عيونك ..

لي متى ببقى تحت رحمة عيونك
لجل عينك كم تحملت ، انسى غلطاتك واصونك
لا تعذر لا تجيني ذبلت ورودك في عيني
مثل ماضاعت حياتي وكل احلامي بيدينك

لي متى بصبر كفاني مل قلبي وهو يعاني
خلني اكسر كل قيودي واتحرر من عيونك
قلتها واسمع كلامي لون قلبي ماهو لونك
لي متى ببقى تحت رحمة عيونك

ما بقى عندي تراجع ما ترجعني المدامع
بنسحب وانهي هبوبي ضاقت نجومي بكونك
وخاتم سنين المحبة عذب ايديني وايدينك
لي متى ببقى تحت رحمة عيونك






للأستماع
http://www.youtube.com/watch?v=e72AhVBiOo8&feature=related

اصعب اللحظات

.

\

اصعب اللحظات...... لحظة يخدعك فيها حبيبكـ

وإلي اهديته حياتك,, قسوته تصبح نصيبكـ

لما يتغير وينساك لما يتكبر عليك

من بعد عشرة طويلة يسحب إيده من إيديك

تصغر الدنيا في عينك

والهنا يصبح ألم... وإلي عيشته بغرامك عيشك بأكبر وهم

بعد ما تعطيه عمرك روحك إحساسك وحبك

تكتشف في لحظه أنه كان يلعب بس بقلبك





للأستماع ,,
http://www.youtube.com/watch?v=YoilpryFFkY&feature=related

بكيته وأرتجف حسّي..

بكيته وأرتجف حسّي..وضـاق الكـون بأعيانـي
......................بعد ماصرّح إحساسه ....بأنه ناوي ٍ يرحـل ..!
بِكَانـي حظّـي العاثـر .. وهمـي زود بكّانـي
......................ياكيف آعيش من بَعده .. ودونه فرحتي تخجل ..!
جمع جيش الحزن واقبـل .. بيـدّه دمّـر أركانـي
......................طعن فيني وليـد الفـرح .. وأقفـى دون مايسئـل ..!
على شانه نسيت الناس .. ابد ماهـو علـى شانـي
......................وقدمتـه علـى غيـره .. وخليـت البشـر تعـذل ..!
نسى كل شئ سويتـه .. وصبـري عنـه لاجانـي
......................يحاكيني عن جراحه .. وعن صـد البشـر لا أقبـل ..!
تنفسـت الأمـل منـه .. وطيفـه وسـط أجفانـي
......................وأثاري أكسجينة " سم " .. سرى بروحي وأنـا أجهـل ..!
وناوي يهجر قليبـي .. يزيـد الجـرح مـن ثانـي
......................يعاندني يحسـب إنـي .. مثـل أوّل أنـا ماأزعـل ..!
أنا ادري فيه يلعب بـي .. يبـي يزودهـا أحزانـي
......................يبيهـا تجـف أنهـاري .. يبيهـا وردتـي تـذبـل ..!
حفر قبـري بهمساتـه .. وجانـي حامـل أكفانـي
......................يبيني أدفن إحساسـي .. وأرضـى بغيبتـة وأجفـل ..!
كتبت فبيتـي السابـع .. كـلامٍ عنّـه ماأرضانـي
......................كتبـت إنـة مايعنينـي .. ودونـه دنيتـي أجمـل ..!
مع إنة بالخفا ساكـن .. مابيـن عروق شريانـي
......................ويأمرنـي على كيـفه .. وشــوره دايـم الأعقــل ..!
ولكنـة قبـل يبعـد .. علـى بـابـي تحـرّانـي
......................بيّـدة دفتـرٍ أحمـر .. وحالـه جــداً مبـهـذل ..!
وسلمنـي كتاباتـه .. بنـظـرة عيـنـة أحيـانـي
......................تناسيت الألـم لحظـة .. وهمـت بحالـة المهمـل ..!
وودع بعدهـا قليبـي .. ونزلـت دمعـة أعيـانـي
......................بعد ماصرّح بكلمـة .. ضـروري " أبتعـد " وأرحـل ..!